The Queen’s Gambit 后翼棄兵 劇照
話說小編之前睇左Netflix有一套號稱Netflix史上最好睇既劇情類迷你劇：The Queen’s Gambit，講述Anya-Taylor-Joy飾演既天才西洋棋手女主角Beth從小就熱愛西洋棋，承受住情緒問題同對毒品同酒精既依賴，卻仍然一步一步走上世界冠軍之路。
呢套劇集好成功地提升左全世界唔同國家對西洋棋既興趣。西洋棋到底有咩咁好玩？有d咩神秘既魔力可以帶我地同時「高貴上殿堂」、「逃離人類荒謬」&「得到同樣快樂」？想知而又未睇過The Queen’s Gambit既你就要睇下呢個post啦！
打開iPad就有Netflix & Disney+既香港人，對Netflix馬拉松毫不陌生，朝早追社內相親，夜晚翻煲Marvel到朝早，空閒日子可以讓人十幾個鐘同一個動作係床度唔郁唔眨眼（小編都係其中一員）。
第二朝起身返工眼痛脖頭痛既時候又會後悔點解要咁放縱，有時睇到咁上下會覺得悶，但佢autoplay下一集既時候又唔會伸只手出黎stop佢，由得佢繼續播。但如果我地將咁大舊時間抽小小出黎花係西洋棋度，情況又會如何呢？
西洋棋係一個集戰術策略同記憶於一身既棋盤遊戲，你打開Windows電腦既西洋棋小遊戲會望到8x8=64格既棋盤一頭問號唔識玩，於是走去玩 3D 彈珠台。但呢個遊戲並非我地想象中咁複雜！
<aside> 💌 「黑白兩方玩家開局時各有16個棋子： 一王、一后、兩車、兩馬、兩象和八兵，各具不同功能與走法。
棋手行棋目標是將對方的王處在不可避免的威脅之下以將死對方，也可以通過對方自知無望取勝，主動認輸而獲勝。」（西洋棋更詳細玩法）
</aside>
西洋棋棋盤
在California家中的Daniel Naroditsky
好似西洋棋世界冠軍（Grandmaster）既美國棋手Daniel Naroditsky咁，我地會覺得世界冠軍係自小天生異稟，但係其中一個訪問裡面佢話其實都唔係對西洋棋一見鍾情！一開始其實並唔係對西洋棋咁有感覺，係佢小時候爸爸教佢玩 & 佢同細佬玩西洋棋，先一步一步增加對西洋棋既興趣。
如果西洋棋世界冠軍都唔係一朝得志，而係慢慢培養呢份興趣，咁姐係其實我地都可以慢慢愛上玩西洋棋！（玩多d西洋棋，都可以減少煲劇既眼痛脖頭痛！）
今日香港人既生活係各種原因牽扯角力之下，我地好難可以話我地完全掌握到自己既命運同人生。人越大越感受到「人在江湖，身不由己」既到肉；生活裡面有好多唔make sense既嘢，都要硬吃。人生如棋，棋如人生，但有一件事將人生和下棋分別開來：
人大多追求完美，卻因無法掌握人生既不確定性而失敗；我地好努力令我地生活裡面既事情make sense，最後發現其實有d嘢點都make唔到sense。香港iBanker西洋棋世界冠軍，出身St. Joseph College @/sjcoba 既舊生林景蔚 （Daniel）都好同意呢個講法，係對金融界爾虞我詐既厭倦之下，佢講左呢句說話：
<aside> ♟️ 「盤棋係得咁多隻棋，唔會無端端有隻棋飛埋來。捉棋係有邏輯，完全計得到。但金融界唔係，啲嘢係唔make sense（不合理）。」—— Daniel Lam
Side track一下：原來Daniel並非 @/sjcoba 唯一一個拎世界冠軍既棋手，係Daniel登頂之後，又有一位舊生 張逸軒 (Yorkson) 係智力奧運（Mind Sports Olympiad）拎到圍棋世界冠軍，佢地兩個都好想將咁好玩既棋盤遊戲推廣比更多香港人認識！
左：林景蔚 （Daniel）右：張逸軒（Yorkson）
</aside>
但西洋棋既世界就唔同，唔會有不確定性，都唔會無邏輯！西洋棋既世界只有你個腦同你對手個腦，只有智慧同耐力既較量。呢個都係Daniel享受玩西洋棋既原因。西洋棋於佢而言，就係佢既安全感來源。
你可以係棋盤上面掌控每一步，憑著你的能力控制大局，因為棋盤上面所有嘢都可以用邏輯解釋！你可以追求你既完美主義而不被限制，但這同時意味著在棋盤上經歷挫敗只能歸咎自己。際遇不好尚且可長嘆時不我與，但棋盤之上輸了，卻只能怪責自己技不如人。
